Naseem minai
Naat
نعت
دلوں میں روشنی ایمان کی نظر آئے
جو بات کل تھی حضورؐ آج بھی نظر آئے
مجھے جہاں میں تونگر وہی نظر آئے
جو صاحب غم عشق نبیؐ نظر آئے
اسی کو اپنے مقدر پہ ناز زیبا ہے
جسے بھی خواب میں روئے نبیؐ نظر آئے
یہ آرزو ہے کہ شہر نبیؐ میں جب پہنچوں
ہر ایک سانس مجھے آخری نظر آئے
اسی کو سارے زمانے کا تاجور سمجھو
جہاں بھی کوئی غلام نبیﷺ نظر آئے
ہر ایک کو ملتا ہے سرکارؐ کے وسیلے سے
ہمیں تو دہر میں داتا وہی نظر آئے
سمجھ لو سرورعالمﷺ وہاں ہیں جلوہ فگن
جہاں بھی نعت کی محفل سجی نظر آئے
مثال ایسی کہاں ہے مہ عرب کے سوا
چھپا ہوا چاند مگر روشنی نظر آئے
وہی ہے مرد خدا جس کے ہر عمل میں نسیمؔ
جھلک حضورﷺ کے کردار کی نظر آئے
Palak chopra
04-Oct-2022 09:38 PM
Nice 👍
Reply
Raziya bano
03-Oct-2022 10:01 AM
شاندر
Reply